Edición xeral
O Premio de Poesía Espiral Maior ábrese a Portugal
Convertido nun dos mellores dotados do Estado español, cunha bolsa de 12.000 euros para o gañador, grazas ao patrocinio de El Corte Inglés, e aberto por primeira vez á participación de poetas portugueses, vén de convocarse o XIV Premio de Poesía Espiral Maior. O xornalista lugués Manuel Darriba foi o último gañador dun certame que xa agasallou a Emma Couceiro, Manuel Forcadela, Yolanda Castaño, Estíbaliz Espinosa ou Luísa Villalta (a título póstumo).
O director da editorial, Miguel Anxo Fernán-Vello, explicou que a súpeta gran dotación do premio Espiral Maior, e a súa apertura á poesía portuguesa, en recoñecemento da nosa tradición lírica común, non aparella esquecemento. O prazo de admisión das obras rematará o 15 de xuño de 2006 e o fallo do xurado farase público o 24 de xullo, unha xornada antes "da data simbólica" do Día da Patria.
As obras presentadas a concurso terán un mínimo de 500 versos. O libro premiado, cunha tiraxe de 2.000 exemplares, será publicado na Colección Poesía de Edicións Espiral Maior. Os traballos deberán ser enviados por correo certificado a Edicións Espiral Maior, rúa Xoán Carlos I, 22, 1º B, 15760 Culleredo (A Coruña). Non vos esquezades de escribir no sobre Para o XIV Premio de Poesía Espiral Maior.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto