Vieiros

Na opinión de Joan Herrera esta iniciativa abre camiño cara a "unha democracia plena diante da actual que se encontra amputada porque cidadáns que viven e traballan con nós carecen dese dereito ao voto". Na actualidade xa existen convenios con países coma Arxentina, Chile e Uruguai que fan posíbel ese dereito ao voto.

O inédito consenso nunha votación sobre inmigración, que colleitou tamén o apoio do grupo parlamentario do PP, incialmente máis reticente a esta posibilidade, chega precisamente grazas a esa condición para a esixencia dun convenio previo de reciprocidade co país de orixe do inmigrante, que do mesmo xeito, permitiría que os cidadáns dos respectivos estados asinantes poidan votar nas eleccións municipais. Esta medida non require ademais de reforma legal adicional e correspóndelle ao executivo tomar a iniciativa para a sinatura dos acordos cos países que teñen unha ampla comunidade de inmigrantes no Estado.