Vieiros

"Isto soluciónase dialogando, conversando, poñendo argumentos por riba da mesa, respetando o dereito internacional, as normas internacionais e respetando os códigos de protección do medio ambiente". Así anunciaba a pasada semana o presidente de Uruguai, Tabaré Vázquez, a proposta de xuntanza cara ao presidente de Arxentina, Néstor Kirchner, para tratar do conflito das papeleiras. Mentres, da beira arxentina segue o boicot turístico e comercial contra o goberno uruguaio a través dos cortes de rota cara ao país, que chegan xa aos dez días, ao tempo que o goberno Kirchner logo da xuntanza cos colectivos que promoven a protesta, mantén o apoio á petición de paralización das obras da celulosa.

• Arxentina levará o conflito das papeleiras ao tribunal da Haia
• Organizan unha concentración galega en solidariedade co movemento antipapeleiras no río Uruguai