Edición xeral
PP, PSdeG e BNG poderían consensuar a elaboración dun censo galego de represaliados polo franquismo
"Galiza é unha das dúas ou tres comunidades autónomas onde aínda non hai ningunha medida desta índole", laiouse este xoves Xan María Castro, secretario xeral de CCOO-Galiza, despois da súa entrevista con Dolores Villarino, presidenta do Parlamento. Villarino subliñou a vontade da institución de impulsar proxectos para a compensación aos represaliados polo franquismo. Logo da cara ao Senado de Manuel Fraga, quen non hai moito aseguraba que a historia xulgará "de xeito positivo" a Franco, o PPdeG podería virar a súa tradicional oposición a estas medidas e unirse á iniciativa.
Durante a xornada deste xoves, representantes dos tres grupos no Parlamento galego xa amosaron a súa vontade de reunirse para responder a esa iniciativa e consensuar unha proposta na institución ao respecto. Desde o PPdeG tamén se valorou positivamente esta posibilidade, amosando a vontade de acordar un proxecto conxunto ao respecto con socialistas e nacionalistas.
A proposta de elaboración dun censo galego de represaliados polo franquismo, inclúe o establecemento de compensacións para estes cidadáns "nos casos que teñan cabida dentro da lei" e segundo explicou o secretario xeral de CCOO-Galiza, "serían compatíbeis coas xa aprobadas polo Congreso". Xan María Castro destacou que isto abre a posibilidade de compensar "lega, ética e economicamente aos represaliados polo franquismo".
Ligazóns
- O lento proceso para a recuperación da memoria histórica
- A Comisión pola Memoria pide a devolución dos documentos galegos sobre a guerra que se
- Indemnizacións ás vítimas do franquismo: todos a favor agás o PP
- Luís Bará: "Temos a obriga de facerlles un recoñecemento público &a
- EU e CCOO esíxenlle á Xunta o censo de represaliados polo franquismo para este ano
- Petición ao goberno para o esclarecemento das "desaparicións" durante a dita
- 'Memoria Histórica' homenaxea os mestres represaliados no 36
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto