Vieiros

"O modelo de financiamento vixente ten demostrado as súas deficiencias no que se refire á suficiencia financeira das administracións autonómicas", subliñan desde a consellaría de Economía ao fío deste proceso, lembrando a posición que publicamente ten defendido o conselleiro no sentido de que a reforma "é necesaria na medida en que non contempla o principio de suficiencia dinámica de tal xeito que co tempo foise formando un diferencial entre os recursos de natureza tributaria e os gastos necesarios nas comunidades autónomas en relación co nivel de competencias asumidas".

Nesa liña, o bipartito vén subliñando que á beira dos avances que se consigan cara a unha maior autonomía financieira e autonomía política, será clave o establecemento de mecanismos "para a asignación de recursos estean adaptados á realidade e necesidades de Galicia, como son os criterios de envellecemento da poboación y de dispersión xeográfica".

O proceso
Da reunión o martes que vén do Consello de Política Fiscal deberá saír un grupo de traballo formado por técnicos escollidos polas diversas administracións, aos que lles corresponderá concretar as propostas sobre financiamento territorial no marco das novas reformas estatutarias. A intención é que haxa un documento definido antes do verán e que o Consello se xunte outra vez cara ao mes de xuño para votar sobre o novo modelo posíbel.