Vieiros

"Voulle presentarlle a miña demisión ao presidente Abú Mazen e Hamás será o encargado de formar un novo goberno. O partido que conseguiu a maioría debe formar goberno". Así o vén de explicar o primeiro ministro palestino, Abú Ala. As últimas novas que chegan da zona avanzan que o actual executivo en pleno presentou xa a dimisión e que o propio Mazen a aceptou. Aínda que os resultados finais ían ser publicados ás 9h deste xoves, a Comisión Electoral adiou sen explicar o motivo a presentación dos datos para as 18h, hora galega. A axencia France Press cita fontes da propia comisión que confirmarían a vitoria de Hamás.