Vieiros

Touriño lembrou na súa comparecencia diante dos representantes da Fegamp que se ben a anterior consellaría de Agricultura viña tramitando unha media de pouco máis de 400 expedientes anuais, logo da toma de posesión en agosto o actual goberno atopou pendentes 1.054 obras, o que en todo caso creaba "unha situación que tecnicamente, materialmente, fisicamente facía imposible dar cumprimento ao conveniado e executalo en 2005".

O presidente da Xunta avanzou que a consellaría de Medio Rural está elaborando un plan de investimentos para o rural en 2006 que iniciará trámite en xaneiro e que "nace coa vocación de tentar incorporar practicamente todas as actuacións suspendidas sempre que se xusten a criterios de prioridade e ás posibilidades orzamentarias". "Será un plan elaborado con vocación de transparencia e con criterios de eficiencia e reequilibrio", advertiu Emilio Pérez Touriño, prometendo que se lle entergará á Fegamp para que o organismo poida facer as súas achegas.