Vieiros

As achegas económicas aos concellos que establecerá o novo pacto local permitirán unha cooperación "máis efectiva entre concellos e Xunta", segundo explicou este domingo na Radio Galega o conselleiro de Presidencia, Xosé Luís Méndez Romeu. O conselleiro explicou que o aumento medio previsto nos recursos para os concellos estará próximo ao 40%, e destacou a vontade de perfeccionar servizos coxestionados en competencias que agora asomen as entidades municipais e financia a Xunta. O bipartito propúxolle á Federación Galega de Municipios e Provincias un total de 130 millóns de euros cara ao 2009. Desde a Fegamp, o presidente da entidade, o alcalde popular de Lalín Xosé Crespo, xa recoñeceu que se atenderan as peticións máis importantes dos concellos para chegar ao acordo, que se agarda estea pechado esta semana.
Anterior:

• A Fegamp acepta a proposta de financiamento do "pacto local" e asinará o acordo en xaneiro