Vieiros

O xurado valorou a orixinalidade deste ensaio, que aborda a "diminución" das capacidades racionais dos individuos contemporáneos, provocada, a xuízo da autora, pola "sobreabundancia" de estímulos recibidos, e pola súa "superficialidade".

O fallo deuse a coñecer este mércores nun acto no que participaron, ademais da gañadora, o presidente da editorial Galaxia, Víctor Freixanes; a secretaria de comunicación de Unión Fenosa en Galicia, Amalia Baltar; e o secretario do xurado, Carlos González de Lema, que considerou positivo o "inmenso" proceso de filtración das lecturas que fixo Baceiredo, que non contou coa axuda de ningún titor. "Foi un traballo persoal", indicou a gañadora do certame, que é licenciada en Xornalismo na Facultade de Ciencias de Comunicación de Santiago e cursou estudios de terceiro ciclo en filosofía.

En anos anteriores o premio foi parar ás mans de autores consagrados do mundo cultural de Galicia, como o politólogo Xosé Luis Barreiro Rivas ou o histórico dirixente da Unión do Povo Galego Basilio Loureno. Por este motivo, Freixanes destacou a súa sorpresa ao descubrir a idade da vencedora (26 anos) e valorou a incorporación das "novas" xeracións ao panorama cultural galego.