Vieiros

A Igrexa presionara na transición para que a Constitución non definise o Estado coma laico, definición que logo quedou en "aconfesional" e que permitiría o arranxo de posteriores privilexios do goberno cara ao Vaticano. Así e todo, esa condición de estado aconfesional "onde existe liberdade de culto e os acordos estatais deben estar suxeitos a esa realidade constitucional", é argumento agora para a campaña que esixe a revisión deses acordos internacionais, asinados unha semana antes da entrada en vigor da propia Constitución.

"A Igrexa, igual ca o resto de organizacións relixiosas, ten que lograr por si mesma recursos abondo para a atención das súas necesidades", piden a través dunha campaña na que, só en internet, xa asinaron máis de 60 mil persoas, "reclamamos tamén a normalización das achegas tributarias ás arcas do Estado por parte da Igrexa e dos seus empregados".

Contámoslles de paso que o Congreso dos Deputados rexeitou este martes unha moción que presentara Esquerda Verde pedíndolle ao goberno a revisión do concordato e o peche dos privilexios da billa estatal para a Igrexa.

Anteriores: