Vieiros

"Estudaranse outras alternativas que de igual xeito servirían para a rexión e baseadas en características e custos máis baixos", afirmou este xoves no Porto Ana Paula Vitorino, secretaria de Estado de Transportes portuguesa. Destacaba así que segundo os datos que posúe o ministerio luso o AVE cara a Galiza estaría lonxe de ser rendíbel e na liña do que o día anterior propoñían os alcaldes do Eixo Atlántico podería optarse por unha vía ferroviaria menos ambiciosa. Durante a mesma xornada, os mandatarios locais galegos e do norte de Portugal tiñan xuntanza co presidente da Xunta, quen lles aseguraba que se vai poñer en contacto co goberno español para que o impulso a este tren estea entre os temas do cumio de Évora os próximos 18 e 19 de novembro.