Vieiros

Os proxectos de minicentrais paralizados atópanse nos ríos Verdugo, Lérez, Umia, no sistema do Ulla-Arnego-Deza-Sar, o Eume e o Landro. O goberno comunicou ao respecto que se trata de "asegurar un uso racional dos ríos compatibilizando o seu potencial hidroeléctrico coa Directiva Marco da Auga, a ordenación do territorio e o desenvolvemento sustentábel", na liña do compromiso xa avanzado no Parlamento polo conselleiro de Medio Ambiente, Manuel Vázquez.

Xunto con este anuncio o executivo aproveitou para lembrar que este tipo de concesións hidroeléctricas aceleráronse especialmente nos últimos meses do goberno de Manuel Fraga, chegando mesmo a aprobacións cando xa estaba o goberno en funcións. Así, os trámites que como media requerían de períodos de dous e ata tres anos, foron axilizados no período preelectoral, resolvéndose en ata menos de nove meses despois da súa solicitude "en detrimento das garantías xurídicas en trámites clave como a declaración de impacto ambiental ou concorrencia
de proxectos".