Vieiros

"Galiza non pode permitirse o luxo de destinar máis de setenta millóns de euros só a apagar o lume", afirmou Súarez Canal durante a súa intervención nas xornadas, comentando a necesidade dunha nova política de prevención de incendios que vire cara ese labor preventivo o esforzo económico e humano que deica agora viña destinándose a labores de extinción en exclusiva.

Ao respecto falara na mesma xornada Antonio Rigueiro, da Universidade de Santiago, quen destacara que Galiza precisa políticas que "incidan na produtividade do monte e na implicación dos propietarios e das administracións na súa preservación". "Os montes convértense en bombas se non se practican as medidas de limpeza e mantemento debidas", advertiu, "coas consecuencias que xa vimos este verán".