Vieiros

Viña de coñecerse do interés do principal accionista do grupo inmobiliario coruñés, Manuel Jove, por rabuñar unha pequena cota en Unión Fenosa. Durante o pasado martes estimouse que esa participación, cun investimento de 12 millóns de euros, acadaría arredor dun 0,14%. Finalmente, e segundo avanza La Voz de Galicia esa compra de accións elevarase ao 3,8% da compañía, cun investimento de até 324 millóns. O accionariado de procedencia galega conformado por Caixa Galicia (10,3%), Caixanova (4%), Banco Pastor (3,5%) e o propio Jove, suma así un total do 21,6%, apenas un chisco por baixo do 22% de Florentino Pérez a través de ACS.