Vieiros

Dúas ducias de funcionarios adicados na policía autonómica á investigación dos lumes forestais e por riba boa parte deles en vacacións nos meses en que o número de incendios é maior son exemplo dos défices na loita contra o lume que este luns explicou o comisario xefe deste corpo, Manuel Bouzas, durante o debate organizado polo Consello da Cultura. Bouzas recoñeceu a falta de experiencia policial neste eido, con menos dun ano de traxectoria dos grupos especializados, e pediu a creación dun laboratorio e un banco de recursos que procesen e peneiren a información acumulada durante todo o ano. Referiuse tamén moi especialmente ás dificultades para a recollida de datos entre os veciños dos lugares afectados polo lume.