Vieiros

Coas obras aínda sen adxudicar, o desdobramento en autovía da actual vía rápida do Barbanza non se remataría antes de 2009, e iso sempre que a consellaría asine o contrato de execución do proxecto antes de que remate este ano e se cumpra o prazo de tres anos prognosticados para a súa construcción. Do mesmo xeito, a autovía do Salnés, para a que aínda se asinou o contrato de adxudicación o pasado mes de setembro, tén fixado un período de construcción de dous anos e medio, polo que non estaría rematada antes de xuño de 2008. "A realidade destas actuacións amosa que non é posíbel materializar máis investimentos porque se desvirtuarían os orzamentos", declarou a conselleira, reprochándolle ademais ao anterior executivo do PPdeG défices no desenvolvemento dos proxectos.