Vieiros

A propia Federación Galega de Municipios e Provincias promovera non hai moito tempo unha investigación ao respecto, onde se concluía das eivas do mapa municipal galego. Realizado en colaboración coa Universidade de Santiago, daquel informe desprendíase a necesidade de acometer unha reforma das administracións municipais galegas que incluíse a fusión de concellos, subliñando que esa reunión de esforzos e medios melloraría a eficacia do funcionamento dos concellos galegos.
No informe fiscalizador referido ao ano 2002 que presenta agora o Consello de Contas incídese nesa problemática, recomendando un redeseño que se axuste máis á realidade de cara a reforzar a organización, competencias e financiamento das administracións.

O documento que agora chega ao Parlamento para a análise dos seus resultados, destaca ademais o défice de 117 millóns de euros acumulado nese exercicio polo Sergas e lembra o problema das listas de espera e o elevado gasto farmacéutico. Tamén advirte a especial falta de transparencia na xestión de subvencións e axudas que realiza a Deputación de Ourense.