Vieiros

O obxectivo é presentar o resultado dos traballos desta unidade técnica a finais de abril do vindeiro ano, cando xa estean liquidados os exercicios de 2004 e 2005, para así "coñecer a situación real" da Comunidade e "revisala a fondo para tirar conclusións".

Entre elas podería figurar a revisión do Plan de Saneamento Financeiro establecido no Consello de Política Fiscal e Financeira que fixa un endebedamento de 140 millóns para este ano. Ao respecto, Touriño avanzara que manter as previsións pactadas co goberno español pola Administración anterior supuña unha "mensaxe de tranquilidade" tras o cambio do 19 de xuño.

Touriño insistiu en que esta é unha medida baseada na "prudencia" e que o único que se persigue é "coñecer con exactitude a herdanza económico finaceira das contas". "É o menos que lles debemos ás forzas políticas e aos cidadáns que nos representan".

O presidente da Xunta confirmou que o remanente negativo do peche do ano pasado ascende a 485 millóns de euros, "que non é unha cantidade pequena", e que, ademais, existe un défice contabilizado de preto de 100 millóns.