Vieiros

Eva Castro, do SCR-Specialized, acaba de pechar a tempada do mellor xeito posíbel, conseguindo a proba máis importante das que se celebran no estado, a Copa de España. A de Oleiros venceu no eslalon de Santa Eulàlia de Ronçana e conseguiu a vitoria na xeral, un triunfo para o que lle abondaba puntuar e no que tivo que superar unha lesión no cóbado.

A este importante éxito hai que engadirlle a consecución do subcampionato estatal de descenso, o 10º posto da proba viguesa da Copa do Mundo de Four Cross e o 9º logrado na localidade alemá de Willingen. A lesión no cóbado privouna de participar nas probas da Copa do Mundo de Pila (Aosta) e de Fort William (Escocia). Eva Castro quedou finalmente de 23ª nun campionato que levou a estadounidense Jill Kintner. A prata foi para a nerlandesa Anneke Beerten e o bronce para a checa Jana Horáková.