Vieiros

Era o 21 de xuño de 2005, e agardábase aínda o voto emigrante para confirmar que os populares perdían a maioría absoluta en Galiza. Coas facas asomando xa na polvoreira interna do partido e mentres Fraga teimaba en denunciar a "perigosísima" coalición PSdeG-BNG, anunciábase a visita próxima do secretario xeral, Mariano Rajoy. Foi esa a última información que o PPdeG introducía na súa web sen máis movemento na rede dende aquela. Xa que logo, para saber dos debates populares hai que buscar á militancia que polemiza en espazos internáuticos alternativos e no refuxio do anonimato coma son o foro PPdeG.com, onde tamén andan á escolla da Moza PPdeG do mes e a nova web para confidencias sucesorias. Mentres, e logo dun foro crítico con varios meses de traxectoria Santiago tén xa na rede a web oficial do PP compostelán