Vieiros

As reticencias do Defensor do Pobo ao Estatut catalán derivan, fundamentalmente, de que no documento aprobado polo Parlamento de Cataluña, anúlanse as súas competencias como tal xa que se propón que só o Síndic de Greuges (Valedor do Pobo catalán) teña competencias nese eido. "O Estatut di que en relación ao Síndic de Greuges as relacións que éste ten coa Generalitat son de competencias exclusivas e polo tanto exluíntes de todas as demais", asegura Múgica.

O Defensor do Pobo engade ademais que "se o Estatut se aproba, todas as queixas teñen que pasar necesariamente polo Síndic de Greuges, se se quixera reclamar sobre o vulneración de calquera dereito dos cidadáns españois en Cataluña sería a Generalitat a que o resolvera". A pesar de que isto é "motivo de inconstituticonalidade" para Enrique Múgica el asegura que "non quixen meterme máis, porque entón rebasaría os límites das miñas competencias e quero absolutamente cinguirme ás miñas competencias".

A pesar de todo Múgica confía no Parlamento "para que estes dereitos non sexan conculcados" pero advirte que "no suposto que estes dereitos sexan conculcados ou considera que así foi, son un dos que pode interpoñer o recurso de inconstitucionalidade ante o Tribunal Constitucional".