Vieiros

Case 33.000 alumnos de Formación Profesional incorpóranse este venres ás clases, o que significa un descenso de 1.637 alumnos respecto do ano pasado, segundo datos da consellaría de Educación. Lugo é a provincia que rexistra unha maior perda de alumnado, con 306 estudantes menos có ano pasado; mentres que Ourense vai ter 31 alumnos máis nas áulas de FP. Como novidade, este curso comeza a súa andaina a Escola Superior de Arte Dramática de Galiza, situada no IES de Bouzas, en Vigo, cunha oferta total de 36 prazas, 12 na modalidade de dirección escénica e 24 na de interpretación. Tamén o venres comezan as clases os 32.280 alumnos inscritos nos conservatorios de música e nas escolas de artes plásticas e deseño.