Vieiros

O labor de Fernández Cid estivo centrado nun primeiro momento, segundo as súas palabras, en dotar o CGAC das infraestruturas necesarias para o seu funcionamento (libraría, biblioteca, auditorio, cafetería, etc..), na adquisición dunha colección permanente e na proxección dos artistas galegos no exterior.

Porén, nos últimos tempos, e ante a sucesiva mingua de persoal do Centro, un grupo de persoas relacionadas co mundo da arte en Galiza puxo en marcha unha recollida de sinaturas para que se tomasen medidas para deter o que eles consideraban o "desmantelamento" do CGAC. A consellaría de Cultura fará público nos próximos días o nomeamento do novo director.