Vieiros

Os salarios que perciben os traballadores galegos non só son os segundos máis baixos de todo o estado, soamente por riba dos de Extremadura, senón que son os que menos medraron no segundo trimestre deste ano. Segundo o Índice de Custos Laborais, publicado polo INE, os custos salariais mensuais totais oscilan entre os dos traballadores madrileños (1.904,83 euros) e os dos extremeños (1.229,83 euros) e galegos (1.274,29). No segundo trimestre deste ano os custos salariais aumentaron un 5,2% na Rioxa, mentres que o menor incremento produciuse en Galiza e Asturias, cun 1,8%.