Edición xeral
A consellería de Cultura propón a Francisco Carracedo como novo xerente da Cidade da Cultura
O economista Francisco Carracedo será o novo xerente da Fundación Cidade da Cultura a proposta da consellaría de Cultura e Deportes en substitución de Ángel Currás. O nomeamento ratificarase nos próximos días e supón "o punto de partida para a redifinición do proxecto do Monte Gaiás", segundo o departamento que dirixe Ánxela Bugallo.
Francisco Carracedo, nado en Ferrol en 1956, é desde 1988 xefe de servizo na área de Contratación e Patrimonio da Universidade de Santiago de Compostela (USC). Licenciado en Ciencias Económicas e Empresariais pola USC, Carracedo sempre traballou nesta institución académica.
Foi durante moitos anos responsable da área de Persoal da USC e membro dos consellos de administración das empresas Unixest e Unidixital. É claustral e foi membro da Xunta de Goberno da Universidade, do seu Consello Social e formou das comisións de Financiamento, Administración e Servizos. Na actualidade é tamén concelleiro de Medio Ambiente no Concello de Ames.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto