Vieiros

A ameaza de que se produza un andazo de enfermidades infecciosas foi a razón esgrimida polo alcalde de Nova Orleáns, Ray Nagin, para decretar a evacuación forzosa da poboación que aínda permanece na cidade. A CNN informou que este martes morreron 5 persoas a causa do cólera. Nagin ordeou ás forzas de seguridade a "obrigar a evacuación de todas as persoas non autorizadas, ainda que estean en predios particulares ou non queiran marchar". Os axentes están utilizando alimentos para convencer ás persoas que deben saír da cidade. O director do Centro de Enfermidades infecciosas da Universidade de Minnesota, Michael Osterholm, asegurou que en Nova Orleáns "non existen servizos sanitarios; non hai auga nin sumidoiros" e a posibilidade de epidemias "é real".