Vieiros

Os posíbeis problemas de respiración debido ao lume que se estendía no lugar de Taboadela, onde pola gravidade do incendio se decretou o nivel 1. O mesmo nivel máximo de alerta permanecía activo en zonas de Camariñas, Lousame e Vilarmaior, na provincia da Coruña e debido á proximidade do lume ás casas. En Ourense o mesmo nivel 1 foi decretado en áreas dos concellos de Verín, Monterrei, Taboadela, Muíños e Avión, onde a primeira hora da tarde houbo que curtar a estrada comarcal OU-212. Dous lumes en Pazos de Borbén, e cadeanseu en Gondomar e Salceda de Caselas activaron tamén o máximo nivel de alerta na provincia de Pontevedra.

A Consellería do Medio Rural informou do reforzamento do dos medios terrestres e aéreos nos últimos días debido ao alto número de lumes que se veñen rexistrando e que mudaron a evolución dos primeiros meses do ano, nos que o volume de zonas queimadas se mantivera por baixo dos números do ano anterior. Estas cifras xa son as peores dos últimos cinco anos, superando as 10 mil hectáreas de monte, que nun 40% lle afectaron a superficie de árbores e no resto a monte raso.

Contámoslles de paso que o Servizo de Protección á Natureza, Seprona, informou da detención ata xullo dun total de setenta persoas en Galiza pola súa presunta implicación en lumes forestais. Esta mesma fin de semana, o xuíz de Xinzo da Limia ordeou o ingreso en prisión do capataz da brigada anti-incendios do concello ourensán de Celanova, acusado cando menos da provocación de quince incendios. Este mesmo domingo, a Garda Civil arrestaba a outras dúas persoas en Forcarei baixo a mesma acusación.