Edición xeral
PSdeG e BNG reparten as presidencias das comisións parlamentarias
Os novos deputados votaron este xoves a constitución das comisións e da deputación permanente no Parlamento de Galiza para os vindeiros catro anos. O reparto das presidencias das comisións, deixa oito delas lideradas por deputados socialistas, catro por nacionalistas, e coma o PP veu facendo en anteriores lexislaturas, PSdeG e BNG déixanlle agora á oposición dos populares a presidencia da comisión de Economía, que exercerá o conselleiro saínte Xosé Antón Orza.
O reparto das presidencias queda como segue:
-Comisión de Administración Xeral, Xustiza e Interior: Xosé Tomé Roque (PSdeG)
-Comisión de Ordenamento Territorial, Obras Públicas e Medio Ambiente: Luis Toxo (PSdeG)
-Comisión de Sanidade, Política Social e Emprego: Francisco Cerviño (PSdeG)
-Comisión de Pesca e Marisqueo: Modesto Pose (PSdeG)
-Comisión de Relacións co Consello de Contas: Guillermo Meijón (PSdeG)
-Comisión de control da CRTVG: María Concepción Burgo (PSdeG)
-Comisión de Regulamento da Cámara: Francisco Cerviño (PSdeG)
-Comisión Permanente: Dolores Villarino (PSdeG)
-Comisión de Educación e Cultura: Carme Adán (BNG)
-Comisión de Agro, Alimentación, Gandería e Montes: Ana Belén Pontón (BNG)
-Comisión de Industria, Enerxía, Comercio e Turismo: Xosé Ramón Paz Antón (BNG)
-Comisión do estatuto dos deputados: Iago Tabarés (BNG)
-Comisión de Economía: Xosé Antonio Orza (PP)
Fronte ás críticas do PP, que considerou inxusto o reparto, dende PSdeG e BNG retrúcanlle que eles fixeron máis concesións desta volta das que viña facendo o PPdeG nas anteriores lexislaturas. Xa que logo, ademais de presidir Economía, os populares estarán nas mesas de todas as comisións, ademais de asumir dúas vicepresidencias máis.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto