Edición xeral
Touriño afirma que gobernará "para o 100% dos galegos"
"Estamos nun momento histórico, de esperanza e ilusión colectiva, no que as enerxías sociais se reactivan e nacen novos proxectos e iniciativas en todos os ámbitos". Así comezou Emilio Pérez Touriño o seu discurso de investitura como candidato socialista á presidencia da Xunta. Touriño sinalou que o programa que presenta é froito dun acordo entre o PSdeG e o BNG e que o próximo "goberno de coalición" será "un goberno sustentado por dous partidos; non de dous partidos que se repartan as áreas de goberno". Tamén afirmou que o novo goberno conta co apoio do 53% dos electores, pero gobernará "para o 100% dos galegos".
O pleno pódese seguir en directo a través do canal de televisión da web da Cámara galega.
Touriño asegurou que o programa de goberno conxunto está acordado entre dúas forzas distintas e diversas, pero que "comparten unha visión común do que Galiza necesita e a vontade de levar adiante medidas concretas" para conseguir solucionar os problemas do país.
Neste sentido, o candidato socialista estableceu os seis eixos fundamentais do seu goberno:
1. Afortalar Galiza como realidade política e institucional
2. Darlle unha nova dimensión a Galiza en España e en Europa
3. Mellorar a calidade da democracia e afondar nos dereitos e liberdades civís
4. Fomentar un desenvolvemento económico intenso, equilibrado e sustentábel
5. Mellorar a calidade e eficiencia dos servizos públicos esenciais, como a sanidade e a educación
6. Promocionar a lingua e a cultura galega
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto