Edición xeral
O 99,1% dos incendios dos últimos 35 anos foron provocados pola acción humana
Galiza acumula, cunha porcentaxe do 99,14%, unha das maiores porcentaxes de incendios debidos a causas vencelladas directa ou indirectamente á actividade humana, cifras que na media do Estado chegan ao 96%, quedando o 4% restante entre as causas estritamente naturais, coma son os lóstregos causados polos trebóns. Son datos dun estudo do Instituto de Economía e Xeografía do CSIC, que analiza datos dende o ano 1968. Contámoslles por outra parte que dende a pasada fin de semana, a Garda Civil detivo a catro persoas integrantes de brigadas de extinción na zona de Fonsagrada que presuntamente terían queimado varios montes.
"Esta evidencia contrasta coa escasa importancia concedida deica agora aos factores humanos fronte aos físicos, coma a topografía, vexetación e meteoroloxía, en estudos similares e análises cuantitativos de risco", explica Francisco Javier Martínez, autor do informe xunto coa investigadora María del Pilar Martín. Segundo advirten, estes datos deberían terse en conta á hora da planificación do labor de xestión e protección contra incendios dos espazos forestais.
Moi especialmente, os investigadores destacan que "as autoridades adican a maior parte do investimento económico á extinción dos lumes, cando deberían investir máis cartos en sistemas de prevención".
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto