Vieiros

Por tras de preto do 97% dos milleiros de lumes que se producen cada ano nos montes está a man do home. Queima de lixo, queimas agrícolas ou de pastos, tabaco, fogueiras, liñas eléctricas, cazadores, pirómanos.... As causas son múltiples, e dende o colectivo medioambiental Adena queren lembrar que "non é normal que ocurran tantos incendios" e denunciar que "a prevención é insuficiente" mentres que "os políticos prefiren destinar millóns a labores de extinción que son moito máis vistosas e teñen maior impacto na opinión pública". Por este motivo presentan un informe sobre as causas dos incendios que quere ser achega para a elaboración dun plan integral de loita contra os lumes.