Vieiros

O apoio dos europeos a un futuro alargamento da UE é cada vez menor. O Eurobarómetro de primavera, publicado este luns pola Comisión Europea, sinala que o 50% da poboación europea estaría a favor da incorporación de novos países á Unión, mentres que no mesmo estudo de outono de 2004 a porcentaxe acadaba o 53%. Os países que están á espera de entrar na UE son Bulgaria, Romanía, Croacia e Turquía. Por outra parte, o Eurobarómetro conclúe que a maior parte dos cidadáns europeos considera que as prioridades da Unión deben ser a loita contra o desemprego, a pobreza e a exclusión social e o mantemento da paz e a seguridade en Europa.