Edición xeral
Fran Vázquez vai para Orlando
O pívot chantadino de 22 anos será xogador dos Orlando Magic, logo de ser elixido por este equipo a quen lle correspondía a undécima quenda de selección. "Estou orgulloso de que me seleccionasen os Magic", dixo Vázquez en rolda de prensa, "polo que sei deles teñen unha mestura perfecta de talento, experiencia e xoves promesas. E estou seguro de que vou traballar ben duro para facer as cousas ben. (...) O primeiro: mellorar o meu inglés para asimilar axiña todo o necesario sobre o novo estilo de xogo".
A NBA, a liga profesional de básquet estadounidense, pon así a un galego en posto destacado entre as súas futuras estrelas, cumprindo o prognóstico de que Fran Vázquez entraría nalgunha das catorce primeiras prazas do draft. Lembremos que isto non significa que Vázquez xogue automaticamente na NBA a vindeira tempada, aínda que é o máis probábel, e si só que os Orlando Magic mercaron os dereitos de Vázquez para xogar na liga profesional estadounidense.
O chantadino é o primeiro galego en chegar ata aquí, e pode converterse no segundo xogador de básquet en pisar os parqués estadounidenses, logo da participación de Fernando Romai nas Olimpíadas dos Ánxeles, hai 21 anos.
Orlando é unha cidade moi turística situada no centro da Florida (costa leste) e nunha zona de lagos. Ten 170.000 habitantes, e se queren ir a vivir para aló, deben saber que ten que vacinar e inscribir cans e gatos, que ten 90 días para sacarlle a licencia á embarcación, e que debe censarse en dez días para mandar os nenos á escola, abrir un negocio ou aceptar un emprego.
Ligazóns
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto