Vieiros

Só seis sobre quince puntos posíbeis recibe a sanidade galega no informe da Federación de Asociacións para a Defensa da Sanidade Pública. Logo que a caixa de correo do Valedor do Pobo se enchese coas queixas dos galegos sobre os défices sanitarios do país e de que o CIS subliñase a baixa nota que os cidadáns lle dan en Galiza á sanidade pública, un novo informe destaca as eivas do Sergas. Criterios coma o gasto farmacéutico, número de médicos e camas de hospital ou listas de espera son os escollidos polo colectivo para esta avaliación. A nivel estatal, o suspenso é para Galiza, Murcia, Madrid e Valencia, comunidades todas elas gobernadas polo PP.