Edición xeral
Os sindicatos denuncian ocultamentos nas cifras de sinistralidade laboral
As mortes por causas laborais poderían ser ata sete veces máis das que quedan oficialmente rexistradas, segundo coinciden en denunciar os sindicatos. Xa que logo, acusan ás mutuas de accidentes laborais e enfermidades profesionais de enviarlle ao sistema público de saúde oitos accidentes de traballo camuflados coma enfermidades comúns, agochando a súa orixe laboral. Ao tempo, as forzas sindicais insisten en que é necesario reducir os niveis de temporalidade para que diminúan os problemas de saúde e accidentes no traballo.
Só no que respecta ás cifras de mortes debidas á exposición a axentes químicos, os sindicatos manexan datos que advirten da morte nos últimos anos de ata catro mil persoas por este motivo, mentres o ministerio de Traballo apenas recoñece catro falecidos en todo o Estado por esta causa.
É exemplo, segundo denuncian CCOO e UXT, na súa convocatoria conxunta con motivo do Día Internacional da Saúde e a Seguridade no Traballo, da existencia dun subrexistro en materia de accidentes laborais no que teñen responsabilidade empresarios, mutuas profesionais e a administración, por non esforzarse no control das prácticas fraudulentas de ocultamento de enfermidades profesionais.
Os sindicatos aseguran que cando menos un 16% dos problemas que pasan á estatística coma "enfermidades comúns", son en realidade enfermidades provocadas por causas laborais.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto