Edición xeral
Touriño súmase á necesidade de debate
O candidato do PSdeG-PSOE á presidencia da Xunta nas eleccións do 19 de xuño, Emilio Pérez Touriño, declarou onte aos medios de comunicación que se suma á proposta do líder nacionalista, Anxo Quintana, para a celebración dun debate televisado entre os tres candidatos á presidencia do país, "para coñecer o que cada un quere para Galiza", recalcou Pérez Touriño. O socialista engadiu tamén que "en democracia é inviable" negarlle aos cidadáns o seu dereito a presenciar un debate.
Emilio Pérez Touriño realizou estas declaración durante a súa visita de onte ao Centro de Enfermidades Crónicas García-Sabell, onde falou da necesidade de crear un Consello da Saúde e a figura do Valedor do Paciente.
Touriño reuniuse tamén co presidente da Deputación da Coruña, Salvador Fernández Moreda, ante o que declarou que de chegar ao poder levaría a cabo unha importante renovación da vida pública na que se evitaran episodios coma o reparto de diñeiro unicamente entre concellos gobernados polo PP, segundo apuntou o socialista.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto