Vieiros

Adega tamén sae ao paso do presunto vencello dos incendios co retiro da Xunta en Santo Estevo e lembra que non se trata de nada inusual e que de acordo cos datos dos últimos trinta anos "adoita haber dous picos de incendios, sendo un deles a finais do inverno (febreiro-marzo) e outro a mediados do verán. Nalgúns anos, por exemplo en 1992 e en 1997, o primeiro ten sido maior có segundo".

Ao tempo, Adega lamenta que o conselleiro de Medio Ambiente, Xosé Manuel Barreiro, "teña desaproveitado a oportunidade da recente creación do Consello Forestal de Galicia para constituír un foro plural, independente e representativo de todos os axentes sociais interesados na xestión dos montes, cuxa principal finalidade debería ser consensuar accións eficaces e con visión de futuro para loitar contra os lumes forestais".