Vieiros

No nome de oito das presuntas vítimas das torturas realizadas polo exército estadounidense, dous grupos defensores dos dereitos humanos presentaron a que é a primeira denuncia nos tribunais por este motivo contra un alto cargo da administración Bush. Os colectivos consideran que o secretario de Defensa, Donald Rumsfeld, ten responsabilidade directa nos nos abusos dos militares en Iraq e Afganistán. Antigos funcionarios do goberno e oficiais do exército xa xubilados apoian esta acción legal. A nova chega ademais, pouco despois da presentación do informe oficial sobre dereitos humanos do propio goberno estadounidense, que subliña especialmente a situación nos países do "eixo do mal" e evita pronunciarse sobre as denuncias no propio país, entre outras as realizadas sobre Guantánamo.