Vieiros

Beiras enmarcou a vitoria da esquerda uruguaia no contorno dun proceso de cambio político que lle afecta a toda suramérica e que inclúe Arxentina, Brasil e Venezuela, e dixo estar seguro do éxito do proxecto do novo goberno liderado pola Fronte Ampla.

En visita ao país para asistir ao acto oficial de investidura do presidente Tabaré Vázquez, o deputado nacionalista destacou a participación de milleiros dos galegos que viven no país neste proceso de cambio social e político e dixo agardar que do mesmo xeito en Galiza este ano chegue tamén ao poder "o primeiro goberno de esquerdas".

A delegación do BNG, convidada oficialmente polo Frente Amplio, celebrou xuntanzas co líder do Movimento de Participación Popular, o senador e actual Presidente do Parlamento José Mujica, quen será o novo ministro de Gandería, Agricultura e Pesca, e con membros do seu futuro gabinete, cos que falou das futuras relacións entre o mundo da pesca galega e uruguaia. Están previstas tamén xuntanzas co futuro ministro de Exteriores, Reinal do Gargano.

Hai previstos tamén encontros co Partido Patria para Todos de Venezuela e con deputados de orixe galega do Frente Amplio, e dos partidos Comunista e Socialista de Arxentina.