Vieiros

A posíbel fusión de concellos foi idea subliñada tamén este luns polo secretario de Estado de Cooperación Territorial, José Luis Méndez Romeu, na presentación do Libro Blanco para Reforma do Goberno Local, quen opinou que "crearía un interesante precedente" a nivel estatal. Ao tempo, avanzou que o goberno é favorábel ao aumento de competencias para os gobernos municipais e destacou a plena autonomía en materia de urbanismo. Ao respecto do xeito de aumentar os cartos nas caixas dos concellos, Méndez Romeu insistiu na necesidade de "revisar a política de taxas e prezos públicos".