Vieiros

"Non imos renunciar ao debate", prometeu a pasada fin de semana o ministro de Administracións Públicas, Jordi Sevilla. Aínda sen descartar o recurso á vía xudicial, o ministro dixo agardar que o diálogo político free o proxecto de Ibarretxe. Ao respecto, insistiu na inconstitucionalidade do plan e destacou que o debate no Congreso permitirá subliñar os argumentos do executivo fronte á proposta. Máis belixerante se amosou o secretario de organización dos socialistas, Xosé Blanco, quen asegurou que "non haberá negociación" de ningún tipo co goberno vasco neste punto. Posteriormente, Blanco aclararía que Zapatero si recibirá ao lehendakari vasco, aínda que só para "expresarlle a rotundidade da oposición ao plan".