Vieiros

O conselleiro de Economía, Xosé Antón Orza, mudou o ton do seu discurso habitual e utilizou a intervención parlamentaria de presentación dos orzamentos da Xunta de 2005 para acusar ao PSOE e ao goberno de español de non ter en conta os intereses de Galiza. Orza lembrou que o Plan Galiza era a explicitación dun compromiso do estado coa comunidade que "a colocaba definitivamente no primeiro nivel das prioridades en investimentos do goberno central". Non obstante, para o conselleiro, "desde aquel momento pasaron tantas cousas que resulta difícil manter a afirmación anterior". O orzamento da Xunta para 2005 ascende a 9.090,33 millóns de euros, un 11,36% máis ca no presente exercicio. Está previsto tamén un endebedamento neto de 129 millóns "que non supón a renuncia ao equilibrio orzamentario", segundo o conselleiro.