Vieiros

Segundo Zapatero, a intención do executivo é facilitar que representantes das comunidades autónomas estean presentes nas delegacións do Estado español na Unión Europea. Asimesmo, definirase o dereito das autonomías a recorrer ao Tribunal Europeo de Xustiza en defensa das súas competencias e a participación no comité de representantes permanentes da UE.

Dende Galiza tíñase insistido especialmente na necesidade de ter voz en xuntanzas sobre temas de agro e pesca de importancia estratéxica para a nosa comunidade. A petición fora realizada dende o propio goberno galego en reiteradas ocasións na anterior lexislatura, recibindo sempre a negativa do anterior executivo liderado por José María Aznar.