Edición xeral
Baltar asistirá ao Congreso do PP mentres espera a chamada de Fraga
O presidente do PP en Ourense, prepara a maleta para asistir en Madrid ao Congreso do Partido Popular, mentres espera a chamada telefónica que Fraga lle prometeu "unha vez que retomase a súa actividade normal". "Eu non fixen ningunha xestión porque non teño ningún interese en que se solventara a crise nin antes do congreso nin despois", sinalou Baltar.
Segundo informa Europa Press, en relación coas declaracións do conselleiro López Veiga sobre o enriquecemento dos cargos públicos, Baltar dixo non darlle "maior importancia" porque non se sente "aludido".
Máis crítico foi o presidente da Deputación ourensá coa vicepresidenta do parlamento, Inmaculada Rodríguez, á quen recriminou que esixa democracia cando ela "foi nomeada número 1 da lista directamente polo presidente do PPdeG". Pero se quere democracia, sinalou, os populares someterán as listas a todos os órganos que correspondan, para demostrarlle que son demócrata".
Sobre un posíbel adianto das eleccións, Baltar asegurou que Fraga é "moi libre de facelo", aínda que insistiu en que o apoio institucional estará, pola súa parte, "garantido".
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto