Edición xeral
"Todo pode acabar ben, regular ou mal"
A última remodelación do goberno galego foi, para Baltar, "a pinga que ateigou o vaso", aínda que o malestar "viña de máis atrás". En delcaracións aos medios de comunicación, o presidente da Deputación de Ourense non se pronunciou sobre a posíbel escisión dos deputados ourensáns, "nin confirmo nin desminto", porque acordou con Fraga o prazo dunha semana para tentar solucionar a crise e volver reunirse "para darlle unha segunda oportunidade" ao goberno.
Baltar remitiuse ao pacto de silenzo con Fraga para non dar por definitiva ningunha opción, aínda que puntualizou que el non impuxo "censura sobre ninguén" máis que sobre el mesmo.
O presidente provincial do PP negou que falara previamente cos alcaldes que supostamente se sumarían á escisión, aínda que recoñeceu que conversa con rexedores que o chaman porque "están preocupados".
Baltar asegurou que a negociación coa dirección galega do partido segue aberta e sinalou que "todo pode acabar ben, regular ou mal", pero garantiu que en todo caso os deputados ourensáns que decidan escindirse non porán en perigo a maioría absoluta do PP no parlamento durante esta lexislatura. "Creo que todos somos leais institucionalmente e aí si que, pasase o que pasase, iso non levaría consigo ningún movemento de tipo institucional nin a nivel da Xunta, do parlamento nin onde eu poida garantir iso", engadiu.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto