Vieiros

Dende a BBC aseguran que un grupo de entre 30 e 70 reféns conseguiron escapar do edificio e hai imaxe de cativos feridos foron sacados por soldados. Ademais, varias partes da construcción escolar teríanse derrubado.

Catrocentas persoas, alumnos de entre 7 e 17 anos, profesores e persoal dunha escola no sur de Rusia eran retidos por un grupo de preto de 20 homes armados, aínda que algunhas fontes elevaban o número de secuestradores ata preto de corenta. O goberno ruso asegurou que os asaltantes dispoñían ademais de cinturóns con explosivos que ameazaban con activar se a policía tentaba entrar.

O secuestro produciuse o 1 de setembro, día oficial da volta á escola na rexión, polo que entre os reféns había tamén varias ducias de parentes dos cativos que os tiñan acompañado ao colexio. A escola asaltada está na rexión de Beslan, cidade de 40 mil habitantes en Osetia do Norte. Os secuestradores pedían a liberación de presos chechenos que permanecen no cárcere na veciña rexión de Ingushetia. O grupo negouse a negociar coas autoridades e amaeazou con volar o edificio malia non ter posto prazo.