Vieiros

"Alá o Estado". A posibilidade, a debate nas primeiras planas os últimos días, de que o goberno lle recurte as axudas á Igrexa non lle preocupa especialmente a monseño Gea Escolano, quen malia todo declarou nos micrófonos da Ser a necesidade desa axuda "do mesmo xeito que se subvencionan os deportes, a caza e calquera outra actividade nobre e digna que poida ter a cidadanía". Ao fío da lexislación cara autorizar os matrimonios homosexuais, o bispo afirmou que "é algo que lle repugna á sociedade, é destruír á familia" e ao tempo declarouse "plenamente" de acordo coa carta do cardeal Ratzinger sobre o lugar da muller na familia. "Créome no deber de iluminar os meus fieis", dixo, "quero que teñan claro o que enseña a Igrexa". Poden escoitar aquí a entrevista completa.