Vieiros

O lanzamento da campaña coincide coa resposta a ese texto oficial da igrexa vaticana asinado polo cardeal Ratzinger. Nese sentido, os colectivos feministas subliñan as denuncias xa realizadas nos últimos tempos por colectivos homosexuais contra a Igrexa Católica, por considerar que está alentando principios baseados na discriminación e a desigualdade. Así, piden que isto sirva para traer ao primeiro plano o debate social sobre a necesidade de que ningunha confesión relixiosa teña carácter estatal.

Ao respecto, o propio ministro de Xustiza, Juan Fernando López Aguilar, declaraba este luns que tanto goberno coma Santa Sede deberían comezar a considerar a necesidade de que no futuro a Igrexa "se autofinancie" avisando que a porcentaxe de cota que os contribuíntes marcan no seu IRPF "é provisional". En todo caso, o ministro aclarou que o goberno non vai revisar de forma inmediata eses acordos "Sería posíbel", matizou Aguilar, "pero non está no no programa do PSOE facelo".