Vieiros

Os cinco aínda desaparecidos son: Leopoldo Couto, veciño de Rande; Antonio Domínguez, de Cambados; Juan Antonio Cordero Novas, de Cangas; e Luis Monteagudo e José Antonio Andreu Castro, veciños de Cesantes.

O buque emitiu unha sinal de afundimento pola súa radio baliza nas proximidades das Illas Sisargas, ás 20,33 horas do mércores 2 de xuño de 2004.

O Bahía, con 5 anos de antigüidade, ten o seu porto base en Cambados, aínda que está cedido para a súa explotación a un armador de Redondela. Trátase dun barco de 18 metros de eslora, construído en aceiro e de 45 GT's, autorizado para a arte de cerco, e que viña da costeira da anchoa con 10 tripulantes a bordo.

No lugar do afundimento están traballando os servizos de Salvamento Marítimo da Xunta de Galicia e do Goberno Central. Desde a recepción da sinal emitida pola embarcación, tamén sobrevoan a zona os helicópteros Helimer Galicia, Pesca I e Pesca II, e espérase a chegada dun avión do Servizo Aéreo de Rescate. As embarcacións que están operando na zona son tres de Sasemar (Altair, Dubhe e Ibaizábal I), unha da Garda Civil do Mar (GCM 10), a patrulleira Serviola da Armada, e tres da Xunta de Galicia (Paio Gómez Chariño, Punta Festiñanzo e Serra de Santiago).