Vieiros

A xente da cultura e colectivos cidadáns convocaron diversas concentracións ante a falta de información sobre a autoría do atentado, diante das sedes do Partido Popular en Galiza e da Delegación do Goberno. A maioría das manifestacións marcharon baixo o lema "Non máis mentiras. Queremos saber a verdade". As convocatorias realízaronse a través de mensaxes SMS e correos electrónicos. Nas concentración participaron tamén persoas vencelladas ás forzas políticas da oposición e a sindicatos. Ás 2:00 da noite, trala denuncia do PP, a Xunta Electoral entende que as concentracións violan a xornada de reflexión.
• Ferrol, ás 10:30 da noite había arredor de 1.500 persoas na praza de España.
• Vigo, 3.000 persoas ocuparon a rúa Urzáiz diante da sede do PP
• A Coruña, arredor de 3.000 persoas concentráronse diante da Delegación do Goberno e marcharon en manifestación cara á praza de María Pita.
• Santiago, na manifestación participaron arredor de 3.000 persoas. Ás 24:00 reuniuse unha concentración silenciosa no Toural, cunha asistencia dunhas 400 persoas.
• Pontevedra, 400 persoas diante da sede do PP na rúa da Oliva
• Ourense, á 1:00, 300 persoas diante da Subdelegación do Goberno
• Lugo, ás 22:30 xuntáronse 300 persoas diante da sede do PP en San Marcos
• As concentracións esténdense por todo o estado
• Rajoy esixe que cesen as concentracións ante as sedes do PP
• Reaccións políticas: BNG e EU. ERC e PSC piden demisións
• A Xunta Electoral Central estima "contrarias á lei" as concentracións